"Manchester Siti" bosh murabbiyi Pep Gvardiola hakamlik haqida gapirdi. Ispaniyalik murabbiyning so‘zlariga ko‘ra, u hech qachon bu mavzu haqida qayg‘urmaydi.
"Men o‘yinga kelganimda, hakam kimligini hech qachon bilmayman. Ularning yuzlarini ko‘rganimda, "bu yuzni eslayman", deb o‘ylayman. Men hayotimda hech qachon hakamlar haqida gapirmaganman - na o‘yindan oldin, na o‘yin davomida, na o‘yindan keyin. Hech qachon. Xatolar sodir bo‘ladi. Ular tufayli qiynalganimizda biz xafa bo‘lamiz, lekin ba’zida ular bizning foydamizga sodir bo‘lganda omadimiz keladi. Lekin men vaqtimni behuda sarflamayman. Men vaqtimni yaxshi boshqarishim kerak. Men hakamlik haqida bir soniya ham o‘ylamayman, ayniqsa mag‘lub bo‘lganimizda" - dedi Gvardiola jurnalistlarga.
