"Барселона" Роберт Левандовскининг маошини қисқартиришни режалаштирмаяпти.

Клуб раҳбарияти польшалик футболчининг яқинлашиб келаётган трансфер ойнасида сотилиши мумкинлиги ҳақидаги миш-мишларга қарамай, унга тўлиқ ишонади. Бундан ташқари, Barca Times хабарига кўра, 35 ёшли форварддан маошини камайтиришга розилик сўралмаган. Футболчининг ўзи ҳам кетиш ниятида эмас.

Яқин ўтмишда Роберт Саудиядан келган таклифни каталонияликлар сафида ўйнашни давом эттириш учун рад этди. Тажрибали ҳужумчининг "блауграна" билан амалдаги меҳнат шартномаси 2026 йилнинг ўрталарига қадар тузилган.