Бугун Қозоғистоннинг Алмати шаҳридаги "Балуан-Шолак" мажмуасида бокс бўйича "IBA Чемпионлар оқшоми" ўтказилади.

Турнирнинг марказий жанги ҳамюртимиз Саиджамшид Жафаров ҳамда қозоғистонлик Талгат Шайкен (9-0-5 КО) ўртасида кечади. Ушбу жанг ғолиби биринчи ўрта вазн тоифасида IBA Asian чемпионлик камарини қўлга киритади. Боксчилар кеча тарозидан ўтиш маросимида иштирок этишди ва белгиланган вазн меъёрини бажаришди.

Аслида Жафаров бугунги оқшомда қозоғистонлик Олимпиада чемпиони Данияр Елеуссиновга қарши рингга кўтарилиши лозим эди. Аммо Елеуссиновнинг жароҳати сабаб юртдошимиз қозоғистонлик бошқа боксчи, проф фаолиятида мағлубият нималигини билмай келаётган Талгат Шайкенга қарши рингга кўтарилади.

Турнир карди билан танишинг:

Марказий жанг, ўрта вазнда: Саиджамшид Жафаров - Талгат Шайкен (Қозоғистон)

Биринчи оғир вазнда: Бекзад Нурдаулетов (Қозоғистон) - Луис Антонио Техеда (Доминикан)

Иккинчи ўрта вазнда: Али Ахмедов (Қозоғистон) - Карлос Риверо (Венесуэла)

Ўрта вазнда: Абель Мина (Эквадор) - Магомед Мадиев (Россия)

Биринчи ўрта вазнда: Фарух Тохтасунов (Қозоғистон) - Юрий Осипов (Россия)

Супер оғир вазнда: Сағиндик Тоғамбай (Қозоғистон) - Давлат Болтаев (Туркманистон)

Енгил вазнда: Бекман Сойлибаев (Қирғизистон) - Хархуу Энх-Амар (Мўғулистон)

Минимал вазнда: Темиртас Жусупов (Қозоғистон) - Анвар Хожиев (Кирғизистон)

Ярим оғир вазнда: Адлан Селмурзаев (Қозоғистон) - Артуш Оганнисян (Арманистон).