Bugun Qozog‘istonning Almati shahridagi "Baluan-SHolak" majmuasida boks bo‘yicha "IBA Chempionlar oqshomi" o‘tkaziladi.
Turnirning markaziy jangi hamyurtimiz Saidjamshid Jafarov hamda qozog‘istonlik Talgat Shayken (9-0-5 KO) o‘rtasida kechadi. Ushbu jang g‘olibi birinchi o‘rta vazn toifasida IBA Asian chempionlik kamarini qo‘lga kiritadi. Bokschilar kecha tarozidan o‘tish marosimida ishtirok etishdi va belgilangan vazn me’yorini bajarishdi.
Aslida Jafarov bugungi oqshomda qozog‘istonlik Olimpiada chempioni Daniyar Yeleussinovga qarshi ringga ko‘tarilishi lozim edi. Ammo Yeleussinovning jarohati sabab yurtdoshimiz qozog‘istonlik boshqa bokschi, prof faoliyatida mag‘lubiyat nimaligini bilmay kelayotgan Talgat Shaykenga qarshi ringga ko‘tariladi.
Turnir kardi bilan tanishing:
Markaziy jang, o‘rta vaznda: Saidjamshid Jafarov - Talgat Shayken (Qozog‘iston)
Birinchi og‘ir vaznda: Bekzad Nurdauletov (Qozog‘iston) - Luis Antonio Texeda (Dominikan)
Ikkinchi o‘rta vaznda: Ali Axmedov (Qozog‘iston) - Karlos Rivero (Venesuela)
O‘rta vaznda: Abel Mina (Ekvador) - Magomed Madiyev (Rossiya)
Birinchi o‘rta vaznda: Farux Toxtasunov (Qozog‘iston) - Yuriy Osipov (Rossiya)
Super og‘ir vaznda: Sag‘indik Tog‘ambay (Qozog‘iston) - Davlat Boltayev (Turkmaniston)
Yengil vaznda: Bekman Soylibayev (Qirg‘iziston) - Xarxuu Enx-Amar (Mo‘g‘uliston)
Minimal vaznda: Temirtas Jusupov (Qozog‘iston) - Anvar Xojiyev (Kirg‘iziston)
Yarim og‘ir vaznda: Adlan Selmurzayev (Qozog‘iston) - Artush Ogannisyan (Armaniston).
