"Манчестер Юнайтед" ва Англия терма жамоаси собиқ ҳимоячиси Гари Невилл АПЛнинг 35-туридан ўрин олган Лондоннинг "Тоттенхэм" - "Арсенал" учрашуви ҳақида ўз фикрлари билан ўртоқлашди.
"Бу "Арсенал" учун мавсумнинг муҳим лаҳзаси. Премьер-лигада кўп нарса бўлажак дербига боғлиқ бўлади. Шимолий Лондон дербиси мен жуда интиқлик билан кутаётган ўйин. Менга бу қарама-қаршилик ёқади", - дейди Невилл.
Лиганинг 34-туридан кейин “канонирлар” 77 очко жамғариб, турнир жадвалида пешқадамлик қилишмоқда. "Тоттенхэм"га келсак, пойтахтликлар 60 очко билан бешинчи ўринда бормоқда.
