Англия Премьер Лигасининг 35-турида “Ливерпуль” 27 апрель, шанба куни “Вест Ҳэм”га қарши баҳс олиб борди.

Лондондаги учрашувда Боуэн ҳисобни очган бўлса, Робертсон ҳисобни тенглаштирди. Ареолянинг автоголидан кейин меҳмонлар ҳисобда олдинга чиқиб олди. 77-дақиқада Антонио мезбонларга дуранг натижани келтирган гол муаллифи бўлди – 2:2.

Ушбу натижа сабаб Клопп шогирдлари кетма-кет иккинчи ўйинда ҳам очко йўқотиб, чемпионлик учун имкониятларини кескин пасайтириб юборди. “Ливерпуль” ҳисобида 35 ўйинда 75 очко бор ва клуб 3-ўринда бормоқда. “Арсенал” 34 ўйиндан кейин 77 очко билан пешқадамликни сақлаб турибди. 33 ўйинда 76 очко тўплаган “Манчестер Сити” 2-ўринда бормоқда.

"Манчестер Юнайтед" эса ўз уйида "Бёрнли"ни қабул қилиб, муҳим очколарни бой берди. Мезбонлар 79-дақиқада Антонининг голи эвазига ҳисобни очишганди. Ўйиннинг асосий вақти тугашига 3 дақиқа қолганида "Бёрнли" пенальти тепиш ҳуқуқини қўлга киритди ва ўйинда дурангга эришди.

Мазкур дуранг туфайли "МЮ" мавсумни кучли тўртликда якунлаш имкониятидан амалда маҳрум бўлди.

АПЛ, 35-тур
27 апрель, шанба.
“Вест Ҳэм” – “Ливерпуль” 2:2
Голлар: 1:0 – Боуэн (43), 1:1 – Робертсон (48), 1:2 – Ареоля (65, автогол), 2:2 – Антонио (77).
“Вест Ҳэм”: Ареоля, Соуфал, Огбонна, Зума, Эмерсон, Соучек (Уорд-Проуз, 74), Лукас Пакета, Альварес, Қуддус, Боуэн, Антонио.
“Ливерпуль”: Алиссон, Александер-Арнольд (Гомес, 79), ван Дейк, Куанса, Робертсон, Эндо (Нунес, 79), Мак Аллистер, Гравенберх, Эллиотт, Диас (Салоҳ, 79), Гакпо.
Огоҳлантиришлар: Эндо (30).

Манчестер Юнайтед – Бёрнли 1:1 (0:0, 1:1)
Голлар: 1:0 – 79 Антони, 1:1 – 87, пенальти Амдуни.
Манчестер Юнайтед – Онана, Уан-Биссака, Магуайр, Каземиро, Диогу Далот, Эриксен (Амрабат, 81), Бруну Фернандеш, Майну (Мактоминей, 65; Маунт, 90), Антони, Гарначо, Хейлунд (Диалло, 65).
Бёрнли – Мурич, Ассиньон, О`Ши, Эстев, Витиньо, Каллен, Берге, Одобер, Фостер, Фофана (Амдуни, 57), Бруун Ларсен (Гудмундссон, 72).
Огоҳлантиришлар: Одобер (42), Антони (43), Каллен (60), Эстев (90+2).