Сердар Азмун мавсум охирида "Рома"да қолиши мумкин.
Эронлик форвард Рим клубида Леверкузеннинг "Байер" клубидан ижара асосида ўйнамоқда. "Жаллороссилар" футболчини 12,5 миллион еврога сотиб олиш ҳуқуқига эга.
La Gazette Dello Sport хабарига кўра, бу вариантнинг фаоллашиши кўп жиҳатдан "Рома"нинг Чемпионлар лигасига йўл олишига боғлиқ бўлади. Бунинг учун клуб А Сериянинг кучли бешлигидан жой олиши ёки Европа лигасида ғалаба қозониши керак.
Қайд этилишича, римликлар бош мураббийи Даниэле де Россига футболчи ёқади.
А Сериянинг жорий мавсумида Азмун 19 та ўйин ўтказиб, 3 та гол урган.
