"Милан" бош директори Жоржио Фурлани жамоа ҳужумчиси Рафаэль Леаунинг келажаги ҳақида гапирди.

Леаунинг Италия клуби билан амалдаги шартномаси 2028 йилнинг ёзига қадар амал қилади. Transfermarkt портали Португалия терма жамоаси футболчисини 90 миллион еврога баҳоламоқда.

“Рафа Леау жамоада қолади. У узоқ муддатли шартнома имзолади ва шу ерда қолмоқчи", - дея Фурланининг сўзларини келтиради журналист Фабрицио Романо.

Жорий мавсумда Леау “Милан” сафида 43 та ўйинда майдонга тушиб, 13 та гол урди ва 13 та голли узатмани амалга оширди.