Сержиу Консейсау "Порту" бош мураббийи лавозимини тарк этиши мумкин.
"Аждаҳолар"нинг президентлик сайловларида Андре Виллаш-Боаш ғалаба қозонгани учун клуб ва мураббий ўзаро келишувга кўра товон тўламасдан шартномани бекор қилишлари эҳтимоли бор, дея хабар бермоқда журналист Фабрицио Романо.
Шу ҳафта бошида Консейсау клубнинг собиқ президенти Жорже Пинту да Коште қўл остида "Порту" билан шартномасини 2028 йилгача узайтирди.
30-турдан ўйиндан сўнг "Порту" Португалия чемпионатида пешқадам "Спортинг"дан 18 очко ортда қолиб, 3-ўринни эгаллаб турибди.
