"Астон Вилла" клуби ва Англия терма жамоасининг собиқ ҳужумчиси Габриэль Агбонлахор "Вест Хэм"га қарши ўйин (2:2) якунида Юрген Клопп ва Муҳаммад Салоҳ ўртасида юзага келган жанжал ҳақида гапирди.
"Салоҳ захира ўйинчиси эмас. Ротация бўлса, Салоҳни захира ўриндиғида қолдириш мумкин, аммо у "Ливерпуль" учун 210 та гол урди ва 86 та голли узатмани амалга оширди.
"Вест Хэм"га қарши ўйин қийин кечди, унга атиги 12 дақиқа вақт бера олмайсиз. Балки у майдон четида шундай дегандир: "12 дақиқа, кел, мен Салоҳман, менсиз сен совринларни юта олмасдинг, Юрген".
Салоҳ бўлмаганида улар соврин ютмаган бўларди. Салоҳ бу клуб учун ажойиб футболчи эди. Қани ҳурмат?" - деди Агбонлахор.
