"РБ Лейпциг" ҳужумчиси Луи Опенда юқори даражадаги ўйин кўрсатмоқда, шунинг учун у кўплаб юқори даражали Европа клубларининг радарида бўлиб турибди. Нуфузли инсайдер Фабрицио Романонинг ижтимоий тармоқларда хабар беришича, Опенданинг амалдаги шартномасида 80 миллион еврога сотиб олиш имконияти мавжуд.
Бироқ, келаётган ёзда уни фаоллаштиришнинг иложи йўқ - вариант 2025 йилнинг ёзида кучга киради. 2023/2024 йилги мавсумда 42 та расмий ўйинда Луи Опенда 28 та гол урди ва шериклари учун 7 та голли узатмани амалга оширди. Нуфузли Transfermarkt портали мутахассислари 24 ёшли футболчини 60 миллион еврога баҳоламоқда.
