"Астон Вилла" спорт директори Рамон Мончи испаниялик мураббий Хулен Лопетегининг "Милан"га тайинланиши мумкинлиги ҳақидаги миш-мишларга изоҳ берди.

“Хуленда мен ҳар қандай мураббий учун муҳим деб биладиган учта кучли жиҳат бор: мукаммал профессионал фазилатлар, рақобатбардошлик ва жамоани бошқариш қобилияти.

У ҳеч қандай муаммога дуч келмайди, чунки у топ-жамоаларда ишлашга ўрганиб қолган: у "Порту", "Реал Мадрид" ва Испания терма жамоасида ишлаган. Шу боисдан ҳам ишончим комилки, Хулен Европадаги энг йирик клублардан бири бўлган "Милан" каби клуб бош мураббийи лавозимига идеал номзод", - дейди Мончи.

Олдинроқ яқин ҳафталарда Милан клуби раҳбарияти амалдаги бош мураббий Стефано Пиоли билан ҳамкорликни муддатидан олдин тўхтатиш учун зарур чораларни кўриши ҳақида хабар берилганди.