"Манчестер Юнайтед"нинг собиқ ҳимоячиси Гари Невилл Маурисио Почеттинонинг "Челси"даги келажаги ҳақида фикр билдирди.
Аргентиналик мураббий "кўклар" бош мураббийи сифатидаги дебют мавсумида Премьер-лигада сезиларли муваффақиятга эриша олмади.
"Челси" ёзда яна мураббийини алмаштиришга қарор қилиши мумкин.
"Почеттинога кўпроқ вақт берилиши керакми? Албатта. Менимча, у ёш футболчилар билан ишлаш учун ажойиб маҳоратга эга.
Биз буни "Саутгемптон"да кўрдик, у ерда у кўплаб футболчиларга муваффақият қозонишда ёрдам берган", - деди Невилл.
