"Барселона" ҳужумчиси Витор Роке янги мавсум бошида ижарага берилиши мумкин.
19 ёшли бразилиялик футболчи январь ойида "Атлетико Паранаэнсе"дан Каталония клубига келиб қўшилганди, аммо ҳали асосий таркибда майдонга туша олмади.
Баъзи маълумотларга кўра, ҳужумчи келаси ёзда ўйин амалиёти учун ижарага берилиши мумкин. Barca Universal нашрининг хабар беришича, Германиянинг «Байер» ва Дортмунднинг «Боруссия», шунингдек, Нидерландиянинг «Аякс» ва "ПСВ", Англиянинг «Брайтон» ва Каталониянинг «Жирона» клублари истиқболли футболчини ижарага олишлари мумкин.
