«Барселона» «Атлетико»дан ҳужумчи Жоау Феликсни сотиб олиш режасидан қайтгани йўқ.
Португалиялик футболчи жорий мавсумни «кўк-анорранглилар» сафида ижара асосида ўтказмоқда. Ёзда футболчи «матрасчилар»га қайтади, аммо у энди Диего Симеоне жамоасида ўйнашни режалаштирмаган кўринади.
Журналист Маттео Мореттонинг сўзларига кўра, «Барселона» ҳали ҳам 24 ёшли форвардни сотиб олишдан манфаатдор, бироқ футболчининг келажаги номаълумлигича қолмоқда – каталониялик гигант учун «Атлетико» билан шартнома шартларини келишиб олиш осон бўлмайди.
