"Барселона" марказий ҳимоячиси Рональд Араухо унчалик ёқимли бўлмаган статистик рейтингда пешқадамлик қилмоқда.
Уругвайлик футболчининг айби эвазига бугунги “Валенсия”га қарши ўйинда "кўк-анорранглилар" дарвозасига пенальти белгиланди – меҳмонлар пенальтини голга айлантириб, 38-дақиқада олдинга чиқиб олишди (2:1).
Opta маълумотларига кўра, Араухо ушбу мавсумда барча мусобақаларда хатолар ва қизил карточкалар қайд этиб, ўз жарима майдончасидаги қоидабузарликларнинг умумий сони бўйича Ла Лиганинг барча футболчиларини ортда қолдирмоқда - олтита шундай хато.
