"Арсенал" ярим ҳимоячиси Жоржиньо жамоани тарк этишга яқин турибди.
Италиялик футболчининг амалдаги шартномаси мавсум охирида тугайди ва "канонирлар" раҳбарияти ҳамкорликни давом эттиришдан манфаатдор эмасдек кўринади, дея хабар беради журналист Даниэле Лонго. Манбага кўра, Жоржиньо Италияга қайтишдан манфаатдор ва "Ювентус"га ўтишга тайёр. Айнан туринликлар ярим ҳимоячига асосий даъвогар сифатида кўрилмоқда.
"Кекса синьора" раҳбарияти "Арсенал"нинг 32 ёшли футболчи борасидаги якуний қарорини кутиш учун яна икки-уч ҳафта кутади. Келишув тақдири яна "Ювентус"нинг янги бош мураббийи ким бўлишига ҳам боғлиқ.
