Ўзбекистон терма жамоасининг ЖЧ-2014 саралашидаги навбатдаги рақиби — Ливан терма жамоаси бугун ўз майдонида Таиландни қабул қилади. Ҳар иккала жамоа Осиё кубоги-2015 саралашининг биринчи баҳсида мағлубиятга учрашганди. Ливан Теҳронда 0:5 ҳисобида имкониятни бой берган бўлса,  Таиланд ўз майдонида Кувайтга ютқазиб қўйди (1:3).

Ливан ушбу ўйинда ғалаба қозониб, Тошкентда Ўзбекистонга қарши кечадиган баҳсдан олдин яхши кайфиятга эга бўлиб олмоқчи. Ливан 17 март куни ўртоқлик ўйинида Баҳрайн билан дуранг ўйнаган бўлса, Таиланд Қатарга кичик ҳисобда имкониятни бой берди.

Тео Букер Ливан терма жамоаси бош мураббийи лавозимини сақлаб қолиши учун олдинда турган 2та ўйинда ижобий натижаларга эриши лозим. У сўнгги пайтларда кескин танқидлар остида қолиб кетган. Букер бўлажак ўйинларда легионер футболчиларга ишонч билдириши кутиляпти. "Шандун Луненг" футболчиси Рода Антар, ""Ляонинг" ҳимоячиси Юсуф Муҳаммад, "Ал-Аҳли" футболчилари Юсуф Муҳаммад ва Ҳасан Маътук, Швеция чемпионатида ўйнаётган Аббос Ҳасан жамоанинг асосини ташкил қилади.

Тео Букер олдида муаммолар ҳам йўқ эмас. Турли муддатларга дисквалификация қилинган 6 нафар футболчи бу ўйинларда Ливанга ёрдам бера олишмайди.

Таиланд терма жамоаси бош мураббийи Винфрид Шефер матбуот анжуманида ўйин осон бўлмаслигини таъкидлаб, ливанлик футболчилар техник жиҳатдан кучли эканини айтиб ўтди. Шунингдек, ливанликлар ўз майдонларида кучли футбол намойиш қилишларини ҳам гапириб ўтди.