"ПСЖ" бош мураббийи Луис Энрике Дортмуднинг "Боруссия"сига қарши ўйин олдидан ўтказилган матбуот анжуманида жамоаси ярим ҳимоячиси Витинья ҳақидаги саволга жавоб берди.
"У ажойиб мавсум ўтказмоқда. У дунёнинг энг яхши ярим ҳимоячиларидан бири! У жамоамизнинг энг яхши ўйинчиларидан бири", - дея Энрикенинг сўзларини келтиради УEФА матбуот хизмати.
Витинья парижликлар сафида 2022 йилдан буён ўйнаб келмоқда. Бу вақт ичида футболчи клуб сафида 90 та ўйин ўтказиб, 11 та гол урган ва 5 та голли узатмани амалга оширган.
Унинг "ПСЖ" билан шартномаси 2027 йилнинг ўрталарига қадар мўлжалланган.
