"ПСЖ" бош мураббийи Луис Энрике унинг жамоаси жорий мавсумда тўртта турнирда ғалаба қозониши мумкинлигини айтди.
Эслатиб ўтамиз, парижликлар жорий мавсумда муддатидан аввал Франция чемпионига айланишди. Энрике жамоаси Чемпионлар лигаси ва Франция кубогини ютиш имкониятини ҳам сақлаб қолган. Йил бошида «ПСЖ» Франция Суперкубогини қўлга киритганди.
"Бу ерда бўлганимдан бери ўйинчилар ва клубнинг қўллаб-қувватлашини ҳис қилдим, биз ўсиш жараёнидамиз ва бу ҳали лойиҳанинг бошланиши.
Мавсум тугашига бир ой қолди ва биз ҳали тўртта турнирда ҳам ғалаба қозонишимиз мумкин; "Биз ҳис-туйғуларимизни яхши бошқаришимиз ва босимни таҳдид сифатида қабул қилмаслигимиз керак", деди Энрике.
