"Манчестер Сити" бош мураббийи Пеп Гвардиола ярим ҳимоячи Илкай Гюндоганни "Барселона"га ўтишига рухсат берганидан афсусда. Бу ҳақда журналист Габриэль Санс хабар берди. Немис ўтган мавсумда "шаҳарликлар" сардори бўлган ва жамоанинг олтин треблга эришишига ёрдам берганди.
Мавсум якунида Гюндоган "Манчестер Сити" билан янги шартнома имзолашдан бош тортди ва эркин агент сифатида Каталониянинг "Барселона"сига ўтишга қарор қилди. Гвардиоланинг фикрича, клуб яхшироқ шартларни таклиф қилиш орқали Илкайни сақлаб қолиши мумкин эди.
Хосеп раҳбарият немис футболчисига муносиб ўринбосар топа олмаганини ҳам тан олади. Гюндоган жорий мавсум Испания чемпионатида 5 та гол урди ва 7 та голли узатмани амалга оширди.
