"Манчестер Юнайтед" Чемпионлар лигасига чиқа олмагани учун мухлислар ва раҳбариятнинг ҳафсаласи пир бўлди.
Матбуотда вақти-вақти билан Эрик тен Хагнинг "қизил иблислар" бош мураббийлигидан кетиши мумкинлиги ҳақида миш-мишлар пайдо бўлди.
"The Athletic" нашри "Манчестер Юнайтед" раҳбариятидаги вазият ва унинг режалари ҳақида кенг материал чоп этди.
Қайд этилишича, "қизил иблислар" айни дамда келаси мавсумни Тен Хаг билан бошлашни режалаштирмоқда.
Раҳбарият Тен Хагга етарлича шароитлар яратилмаган деган фикрда. Қолаверса, «Манчестер Юнайтед» хўжайинлари молиявий жиҳатни ҳам ҳисобга олишмоқда - Тен Хагни ишдан бўшатиш ва янги мураббий излаш қўшимча сармояларни талаб қилади.
