"Челси" бош мураббийи Маурисио Почеттино Кристофер Нкунку ва Леви Колуиллнинг жароҳатидан қайтиши ҳақида гапирди.
"Улар ниҳоят сафга қайтишга яқин. Умид қиламизки, улар якшанба кунги "Вест Хэм"га қарши ўйинга тайёр бўлишади.
Лекин биз ҳали ҳам улар рақобатга дош бера оладими ёки йўқми, деган қарорни кутяпмиз", - деди Почеттино.
Эслатиб ўтамиз, 26 ёшли Нкунку охирги марта 25 февраль куни "Ливерпул"га қарши Лига кубоги финалида, 2 март куни Колуилл "Брентфорд"га қарши ўйинда майдонга тушган эди.
“Челси” 5 май якшанба куни “Вест Хэм”ни қабул қилади.
