Сандро Тонали спортга пул тикиш қоидаларини бузгани учун қўшимча икки ойга футболдан четлаштирилди, дея хабар беради FA.
"Ньюкасл" ярим ҳимоячиси мустақил комиссияда инглиз клубига ўтганидан кейин футбол ўйинларига пул тикганини тан олди.
Аввалроқ Англия футбол ассоциацияси Тоналини ёзги трансфер ойнасида "Милан"дан кўчиб ўтганидан кейин 2023 йил 12 августдан 12 октябргача бўлган даврда тикиш қоидаларини 50 марта бузганликда айблаган эди.
Икки ойлик дисквалификациядан ташқари, Тонали 20 минг фунт стерлинг миқдорида жаримага ҳам тортилди.
Италиялик футболчи октябрь ойидан бошлаб майдонга қайтиши мумкин бўлади. FA'нинг икки ойлик дисквалификацияси бу жазога қўшилмайди.
FA Тонали тергов билан тўлиқ ҳамкорлик қилганини ва барча қонунбузарликлар ҳақида ўзи хабар берганини таъкидлади.
