"Интер Майами" бош мураббийи Херардо Мартино Лионель Мессига позицион талаблар қўймаслигини тан олди.

36 ёшли аргентиналик футболчи МЛСда ойнинг энг яхши футболчиси совринини қўлга киритди. Мартинонинг фикрича, бундай футболчига кўрсатмалар керак эмас.

"Месси майдонда ўзи хоҳлагандек ҳаракатлана олади, у дунёнинг энг яхши футболчиси ва ажойиб тўпурар. Ҳозир бизда кўп ўйинлар йўқ, шунинг учун у жисмонан тикланмоқда", - деди мутахассис.

Лионель Месси жорий МЛС мавсумида тўққизта гол ва саккизта голли узатмага эга. "Барселона" ва "ПСЖ"нинг собиқ юлдузи чемпионатда иккала кўрсаткич бўйича ҳам пешқадамлик қилмоқда.