"Тоттенхэм" бош мураббийи Анже Постекоглу "Челси"га қарши ўйиндан сўнг (0:2) ўз таассуротлари билан ўртоқлашди.
Мезбонлар дербида Трево Чалоба ва Николас Жексоннинг 24 ва 72-дақиқаларда киритган голлари эвазига ғалаба қозонишди.
"Биз етарли даражада яхши эмас эдик ва мен бунинг учун жавобгарликни ўз зиммамга олишим керак, чунки мен таркибни танлайман.
Иккинчи бўлимда ҳам танаффусга қадар бўлгани каби ҳаракат қилдик. Ўйлайманки, биз қандайдир ишончни йўқотдик.
Мен буни тузатишим керак. Бу бизнинг ривожланишимизнинг бир қисмидир", - деди австралиялик мутахассис Sky Sports нашрига берган интервьюсида.
