"Челси" энг муваффақиятли мавсумни ўтказмаяпти, лекин мунтазам равишда рақиб дарвозасига голлар уриб турибди.

Пайшанба куни Маурисио Почеттино шогирдлари ўз майдонида “Тоттенхэм”ни мағлуб этишди (2:0), ҳужумчи Николас Жексон жорий Премьер-лигадаги 11-голини урди.

Шу тариқа, олти йил ичида биринчи марта «Челси» сафида АПЛнинг бир мавсумида ўндан ортиқ гол уришга муваффақ бўлган иккита футболчи пайдо бўлди.

Бу ҳақда Squawka хабар берди. 2017/18 йилги мавсумда Эден Азар (12) ва Альваро Мората (11) буни уддалаганди ва бу сафар Коул Палмер (20) ва юқорида айтиб ўтилган Жексон бу кўрсаткичга эришди.

Эслатиб ўтамиз, "Челси" 51 очко билан АПЛ турнир жадвалида 8-ўринни банд этган.