Ҳужумчи Маркус Рэшфорд клуб мутасаддилари билан музокаралар олиб боради. The Sun таблоидига кўра, "қизил иблислар" хўжайини Жим Рэтклифф нима учун Рэшфорднинг жорий мавсумдаги ўйини ёмонлашганини аниқламоқчи. Бундан ташқари, клуб раҳбарлари футболчининг Эрик тен Хаг билан боғлиқ муаммоларини ҳал қилмоқчи.
26 ёшли Рэшфорд "Манчестер Юнайтед"да қолишни истамоқда, гарчи маълум миқдорда таклиф тушса, клуб футболчини сотишга тайёрлиги ҳақида аввалроқ матбуотда маълумот пайдо бўлган бўлса-да.
2023/2024 йилги мавсумда 40 та расмий ўйинда Маркус 8 та гол урди ва жамоадошлари учун 5 та голли узатмани амалга оширди.
