"Бавария"нинг собиқ устози, ҳозирда "Манчестер Сити"ни бошқараётган Пеп Гвардиола нега мюнхенликлар янги мураббий танлай олмаётгани ҳақида гапирди.
"Бу содир бўлади, бу вақт масаласи. Улар тўғри қарор қабул қилишади. Ҳаммаси улар қандай ўйнашни хоҳлашларига боғлиқ. Баъзида мураббий топиш осон эмас, лекин улар топадилар. "Бавария" директорлар кенгашида ақлли одамлар бор", - дея Гвардиоланинг сўзларини келтиради Sky Sports.
Гвардиола "Бавария"ни 2013 йилдан 2016 йилгача бошқарган. Жамоа айни дамда Германия чемпионати турнир жадвалида иккинчи ўринда бормоқда ва Чемпионлар лигасида ғолиблик учун курашни давом эттирмоқда.
