Деклан Райс АПЛнинг 36-туридан ўрин олган "Борнмут"га (3:0) қарши ўйиндан сўнг фикр билдирди.
25 ёшли ярим ҳимоячи учрашувнинг 97-дақиқасида учинчи голга ассистентлик қилди.
"Биринчи бўлимда устунлик қилганимизни ўзингиз кўрдингиз деб ўйлайман. Тўрт-бешта гол уришимиз мумкин эди. Мен гол уриш, пас бериш имкониятига эга бўлдим ва гол уриш имкониятини ҳис қилдим. Гол, голли узатма ва уч очко – бизга керак бўлган нарса.
Мен ассист беришни яхши кўраман. Бу жуда яхши. Бу муҳим натижа эди. Улар яхши формада эдилар, улар ажойиб жамоа ва биз бугун катта иш борлигини билардик ва буни уддалашимиз керак эди", - деди “Арсенал” ярим ҳимоячиси.
Бугунги ғалабадан сўнг “канонирлар” лига турнир жадвалидаги пешқадамликни мустаҳкамлади. Микель Артета шогирдлари 36 ўйиндан кейин 83 очко жамғарган.
Иккинчи ўриндаги “Манчестер Сити” 34 ўйиндан кейин 79 очкога эга. Кучли учликни якунлаб турган “Ливерпуль” 35 ўйинда 75 очко тўплаган.
