Букайо Сака жорий мавсумда "Арсенал" сафидаги барча турнирлардаги 20-голини киритди.

Микель Артета бошчилигидаги жамоа АПЛнинг 36-турида “Борнмут”ни қабул қилиб, 3:0 ҳисобида зафар қучди.

Бу ўйинда “канонирлар” ҳужумкор ярим ҳимоячиси Букайо Сака пенальтини аниқ амалга оширди. Шу тариқа, 22 ёшли футболчи жорий мавсумдаги 20-голини киритди: Премьер-лигада 16 гол ва Чемпионлар лигасида 4 гол.

У 2019/20-ю йилги мавсумда Пьер-Эмерик Обамеянг 29 гол урганидан кейин "Арсенал" учун барча мусобақаларда 20+ гол урган биринчи футболчига айланди.

Сака, шунингдек, 2012 йилда 21 та гол урган Тео Уолкоттдан кейин 12 йил ичида бу муваффақиятга эришган биринчи инглиз бўлди.