"Интер Майами" ҳужумчиси Лионель Месси МЛСда ажойиб ўйин кўрсатмоқда.
Флоридаликлар "Нью-Йорк Ред Буллз"га қарши ўйинда танаффусга 0:1 ҳисоби билан чиқиб кетишди, аммо иккинчи бўлимда Лионель Месси ва Луис Суаресдан иборат ҳужум дуети тизгинни ўз қўлига олди: аргентиналик футболчи бешта голли узатма ва битта голга муаллифлик қилди, уругвайлик эса учта гол уриб, бир марта голли узатма берди. Шунингдек Матиас Рохас ҳам дубль қайд этди.
Эътиборлиси, Месси фаолиятида биринчи марта битта ўйинда беш марта ассистентлик қилишга муваффақ бўлди - у илгари ҳеч қачон бир ўйинда учтадан ортиқ голли узатмани амалга оширмаганди. Лионель МЛС тарихида ушбу маррага эришган биринчи футболчига айланди.
