"Ливерпуль" бош мураббийи Юрген Клопп "Тоттенхэм"га қарши ўйиндан сўнг ўз фикрларини билдириб ўтди.
Учрашув 5 май куни “Ливерпуль”нинг уй стадионида бўлиб ўтди ва 4:2 ҳисобида якунланди. Эндиликда "қизиллар" ҳисобида 78 очко бор ва жамоа чемпионат жадвалида тўртинчи ўринни эгаллашда давом этмоқда.
"Ливерпуль" ажойиб ўйин ўтказди. Бугун уч очко олдик ва бу етарли. "Энфилд"да ўзгача муҳит ҳукм сурди, ҳисоб 4:0 эди, шундан сўнг ўзгаришларни амалга оширдим ва "Ливерпуль" ўйинда етакчиликни йўқотди. Шунга қарамай, ўйиндан жуда мамнунман, биз ажойиб голлар урдик”, деди Клопп ўйиндан кейинги матбуот анжуманида.
