"Милан" мухлислари Рафаел Леаунинг ўйинидан норози бўлишди.
"Россонерилар" вингери А Сериянинг 35-тури доирасидаги "Женоа"га (3:3) қарши уй учрашувининг 67-дақиқасида алмаштирилди. Леау "россонерилар" мухлислари ҳуштакбозлиги остида майдонни тарк этди.
Мухлисларнинг муносабати португалияликни ранжитди: у дарҳол кийим алмаштириш хонасига кетди.
“Милан” мухлислари апрель ойида Европа Лигаси чорак финалининг биринчи ўйинида “Рома”га қарши ўйинда (0:1) Рафаэлдан норози бўлишганди.
Қолаверса, «Милан»нинг мухлислар секторидаги ультраслари ёзги трансферлар ойнаси олдидан клубдан аниқ стратегия талаб қилиб, бутун учрашув давомида жим туришди.
Мухлислар финал ҳуштаги янграшига 10 дақиқа қолганида “Сан-Сиро”ни тарк этиб, битта баннер қолдиришди: “Жимлик овози”.
