Каталониянинг "Барселона" клуби спорт директори Деку ёзги трансфер ойнасида жамоани кучайтириш бўйича катта режаларга эга.

Журналист Ферран Мартинес хабарига кўра, португалиялик функционер "Камп Ноу"га асосий таркибда ўйнашга қодир бўлган 3-4 нафар янги футболчини таклиф қилмоқчи.

Манбага кўра, "Блауграна"нинг қисқа рўйхатидан Жошуа Киммих ("Бавария"), Мартин Субименди ("Реал Сосьедад"), Бернарду Силва ("Манчестер Сити"), Нико Уильямс ("Атлетик") ва Дани Ольмо ("РБ Лейпциг") каби футболчилар бор.

Эслатиб ўтамиз, "Барселона" молиявий муаммолар туфайли ёзда чекланган бюджетга эга бўлади.