"Лацио" ярим ҳимоячиси Даичи Камада фаолиятини Англия Премьер-лигасида давом эттириши мумкин. Журналист Николо Скиранинг ёзишича, японияликнинг хизматларига Лондоннинг “Кристал Пэлас” клуби қизиқмоқда.
Манбага кўра, "бургутлар" бош мураббийи Оливер Гласнер Франкфуртнинг "Айнтрахт" клубида мураббийлик қилган пайтларда Камада билан яхши муносабатларга эга бўлган. У футболчини яна ўз жамоасида кўришни истайди.
27 ёшли Камаданинг "Лацио" билан шартномаси ёзда тугайди. Ярим ҳимоячига Туриннинг "Ювентус" клуби ҳам қизиқиш билдираётгани ҳақида аввалроқ хабар берилганди.
