"Манчестер Юнайтед" бош мураббийи Эрик тен Хагнинг сўзларига кўра, клуб айни дамда Дортмунднинг "Боруссия"сида ижара асосида ўйнаётган вингер Жейдон Санчо билан алоқада бўлиб турибди.
Эслатиб ўтамиз, ўтган йилнинг кузидаги можародан сўнг футболчи “қизил иблислар”нинг иккинчи жамоасига жўнатилган эди.
Қишки трансфер ойнасида у "Боруссия"га ижарага берилди.
"Биз унинг ўйинларини кузатиб, суҳбатлашдик. Биз доимий равишда мулоқот қиламиз. Келинг, мавсумни яхши кайфиятда якунлаймиз, кейин нима бўлишини кўрамиз", - деди Тен Хаг.
