"Manchester Yunayted" bosh murabbiyi Erik ten Xagning so‘zlariga ko‘ra, klub ayni damda Dortmundning "Borussiya"sida ijara asosida o‘ynayotgan vinger Jeydon Sancho bilan aloqada bo‘lib turibdi.
Eslatib o‘tamiz, o‘tgan yilning kuzidagi mojarodan so‘ng futbolchi “qizil iblislar”ning ikkinchi jamoasiga jo‘natilgan edi.
Qishki transfer oynasida u "Borussiya"ga ijaraga berildi.
"Biz uning o‘yinlarini kuzatib, suhbatlashdik. Biz doimiy ravishda muloqot qilamiz. Keling, mavsumni yaxshi kayfiyatda yakunlaymiz, keyin nima bo‘lishini ko‘ramiz", - dedi Ten Xag.
