“Интер” футболчиси Дензель Дюмфрис бу ёзда “Манчестер Юнайтед”га ўтишга қизиқиш билдирмоқда.
La Gazzetta dello Sport мухбири Филиппо Контиселло хабарига кўра, Дензель Дюмфрис ёзда "Манчестер Юнайтед" "Интер"га у бўйича таклиф билан чиқса, "ҳа" деб жавоб беради.
"Нерадзуррилар" нидерландиялик футболчининг 2025-йилда тугайдиган шартномасини янгилашда муаммоларга дуч келмоқда, чунки у 5 миллион евро маош олмоқчи.
Бу ҳолат яқинлашиб келаётган трансфер ойнасида жамоани тарк этиш имкониятини очди, чунки "Интер" унинг сотувидан 25-30 миллион евро йиғиши мумкин.
Дензель Дюмфрис илгари Премьер-лигада ўртамиёна жамоада ўйнаш ғоясини рад этган, аммо "МЮ" учун ўйнаш уни қизиқтирмоқда.
Агар Эрик Тен Хаг келаси мавсумда "қизил иблислар" ўриндиғида қолса, бу трансфер ёзда бошланиши мумкин.
