Хосеп Гвардиола билан ишлайдиган Испаниянинг Tacticgrup консалтинг агентлиги мураббийнинг "Бавария"га қайтиши мумкинлиги ҳақидаги маълумотларга жавоб берди.
"Бавария" Пепнинг юрагида, лекин у ёзда "Манчестер Сити"ни тарк этишни истамаяпти. У жуда бахтли, унинг шартномаси 2025 йилнинг ўрталарига қадар амал қилади. "Бавария"га қайтиш вариант эмас", - дея агентликнинг жавобидан иқтибос келтиради Германиянинг Sky нашри.
Пеп Гвардиола 2016/2017 йилги мавсумдан бери "Манчестер Сити"ни бошқариб келмоқда. Бу вақт ичида клуб кўплаб совринларни қўлга киритди, хусусан, Чемпионлар Лигаси кубогини.
"Манчестер Сити" навбатдаги ўйинини 11 май, шанба куни сафарда "Фулхэм"га қарши ўтказади.
