"Манчестер Юнайтед" бош мураббийи Эрик тен Хаг жамоасининг "Кристал Пэлас"га (0:4) қарши ўйиндаги муваффақиятсизлигидан сўнг ўз фикрлари билан ўртоқлашди.
“Қизил иблислар” ҳар бўлимда иккитадан гол ўтказиб юборишди. Жамоа лигада кетма-кет бешта меҳмондаги ўйинда ғалаба қозона олмади.
“Биз “Манчестер Юнайтед” сифатида яхшироқ ўйнашимиз шарт. Ихтиёримизда бўлган футболчилар яхшироқ ўйнаши керак. Ҳаммаси кутганимиздек бўлмади. Шунчаки Каземиронинг ёмон ўйини ҳақида гапирмаслигимиз керак – бутун жамоанинг ўйини ҳақида гапириш керак. Ҳаммаси нотўғри эди. Якшанба куни "Арсенал"га қарши яхшиланишимиз керак. Биз сабоқ олишда ва ривожланишда давом этамиз", деди тен Хаг .
