"Наполи" ҳужумчиси Виктор Осимхен "Удинезе" дарвозасига гол киритди.
Нигериялик футболчи кечаги ўйиннинг 51-дақиқасида рақиб дарвозасини ишғол қилди. Opta хабарига кўра, форвард А Сериянинг "Удинезе"га қарши кетма-кет олтита ўйинида доимий равишда ўз ҳисобига гол ёздириб қўйган. Осимхен бир рақибга қарши ўйинда бу кўрсаткичга эришган "Наполи" тарихидаги учинчи футболчи бўлди (ғалаба учун уч очко даврида). Илгари буни фақат Гонсало Игуаин (2013-2016-йилларда "Лацио"га қарши) ва Дрис Мертенс (2016-2019 йилларда "Болонья"га қарши) уддалаган.
Виктор Осимхен жорий Италия чемпионатида жами 15 та гол урди.