Мартнинг дастлабки ҳафтаси якунига келиб ёққан қор сабаб Ўзбекистон чемпионатининг 2-тур учрашувларидан бир неча қолдирилганди. Шундай учрашувларидан бирида «Бухоро» «Сўғдиёна»ни Тошкентдаги «Пахтакор» стадионида қабул қилди.

Учрашувнинг биринчи таймини ўта юқори руҳда ўтказган «Бухоро» 15 дақиқа ичида жиззахликлар дарвозасини тўрт бора нишонга олди. Шодиевнинг дубли, Маҳмудов ва Отабек Нарзуллаев томонидан киритилган голларга Йўлдошев битта гол билан жавоб қайтара олишди, холос.

Бу бухороликларнинг ушбу мавсумдаги дастлабки ғалабасига (аслида дастлабки очко ҳам шу ўйинда қўлга киритилди) айланди ва жамоанинг уч ўйиндан кейинги очколари сони учтага етди ва улар «Сўғдиёна»га етиб олишди.

ЎзПФЛ. 2-турнинг қолдирилган учрашуви

БУХОРО – СЎҒДИЁНА 4:1 (4:0)
Голлар: Алишер Маҳмудов (21), Воҳид Шодиев (24, 36), Отабек Нарзуллаев (32) — Хуршид Йўлдошев (62).

«Бухоро»: Ботир Носиров, Наоя Шибамура (Алишер Азизов, 46), Асқар Муҳиддинов, Девид Ония, Георги Квесиешвили, Алексей Николаев, Алишер Маҳмудов, Воҳид Шодиев, Отабек Валижонов, Отабек Нарзуллаев, Бахриддин Ваҳобов.
«Сўғдиёна»: Ширинбой Абдуллаев, Жалил Кимсанов, Элёр Орипов, Илҳом Комилов, Расул Ҳайитов (Ботир Каримжонов, 81), Муроджон Тошматов, Ренат Байрамов, Анвар Раҳимов, Хуршид Йўлдошев, Ориф Мамажонов (Асил Бегимқулов, 46), 25.Сардор Қаххоров.
Четлатиш: Асқар Муҳиддинов (90).
Ҳакамлар: А. Асимов (Тошкент), Б. Норсафаров (Қарши), А. Букатин (Тошкент), Т. Галеев (Урганч).
Назоратчи ҳакам: А. Арутюнов (Тошкент).