Хулен Лопетеги "Бавария"нинг янги бош мураббийи бўлишга номзодлардан бири сифатида қайд этилди.
Хабарларга кўра, испаниялик мутахассис яқинда мюнхенликлар таклифини рад этди, чунки у аллақачон "Вест Хэм"ни бошқаришга рози бўлган эди. Инсайдер Фабрицио Романонинг сўзларига кўра, "Бавария" Лопетеги билан аниқ музокаралар олиб бормаган ва мутахассис Томас Тухелни алмаштиришнинг асосий вариантлари қаторига кирмаган.
Хулен Лопетегининг "Вест Хэм"га тайинланиши яқин орада эълон қилиниши мумкин. "Болғачилар" бошқарувида мураббий яқин орада кетиши расман тасдиқланган Девид Мойеснинг ўрнини эгаллайди.
Лопетегининг аввалги иш жойи “Вулверхэмптон” эди.
