"Манчестер Юнайтед" ёзда ўзининг таянч ярим ҳимоячиси Каземиро билан хайрлашмоқчи. Раҳбарият 32 ёшли бразилияликнинг ўйинларидан норози ва тезроқ ундан қутулмоқчи.
Team Talk хабарига кўра, манкунианликлар ҳозирданоқ Каземирога харидор қидирмоқда. Раҳбариятнинг бразилиялик билан хайрлашиш нияти ҳам шуки, клуб маош тўловини енгиллаштирмоқчи. Каземиро "Манчестер Юнайтед"нинг энг кўп маош олувчи футболчиси бўлиб, йилига 21 миллион евродан ортиқ маош олади.
Эслатиб ўтамиз, кечаги "Кристал Пэлас" билан ўйинда Каземиро жиддий хатоларга йўл қўйди ва улар голга олиб келди. Бу эса йирик 0:4 ҳисобидаги мағлубиятга сабаб бўлди, шундан сўнг бразилиялик футболчи ижтимоий тармоқларда шафқатсизларча танқид қилина бошлади.
