"Manchester Yunayted" yozda o‘zining tayanch yarim himoyachisi Kazemiro bilan xayrlashmoqchi. Rahbariyat 32 yoshli braziliyalikning o‘yinlaridan norozi va tezroq undan qutulmoqchi.

Team Talk xabariga ko‘ra, mankunianliklar hozirdanoq Kazemiroga xaridor qidirmoqda. Rahbariyatning braziliyalik bilan xayrlashish niyati ham shuki, klub maosh to‘lovini yengillashtirmoqchi. Kazemiro "Manchester Yunayted"ning eng ko‘p maosh oluvchi futbolchisi bo‘lib, yiliga 21 million yevrodan ortiq maosh oladi.

Eslatib o‘tamiz, kechagi "Kristal Pelas" bilan o‘yinda Kazemiro jiddiy xatolarga yo‘l qo‘ydi va ular golga olib keldi. Bu esa yirik 0:4 hisobidagi mag‘lubiyatga sabab bo‘ldi, shundan so‘ng braziliyalik futbolchi ijtimoiy tarmoqlarda shafqatsizlarcha tanqid qilina boshladi.