Португалиялик машҳур футбол мураббийи Жозе Моуриньо яна Англиянинг “Манчестер Юнайтед” клубини бошқаришни истамоқда, аммо клуб мутахассисни қайта тайинлашни истамаяпти. Бу ҳақда Manchester Evening News хабар бермоқда.
Манбага кўра, Моуриньо ишончли одамларига иккинчи марта "Юнайтед"ни бошқариш учун Манчестерга бормоқчилигини айтган.
Моуриньо 2016 йилнинг май ойида клуб бош мураббийи сифатида Луи ван Гални алмаштирган ва ўзининг илк мавсумидаёқ "Юнайтед"ни Лига кубоги ва Европа лигасидаги ғалабага олиб борган эди.
Ўзининг иккинчи мавсумида Моуриньо АПЛ жадвалида иккинчи ўринга кўтарилиб, Англия кубоги финалига чиқди. 2018 йилнинг декабрида португалиялик клубни тарк этди.
Португалияликнинг сўнгги клуби "Рома" бўлиб, у 2024 йилнинг январида у ерни тарк этган.
