"Хетафе" президенти Анхель Торрес "Барселона" раҳбари Жоан Лапорта билан Мэйсон Гринвуднинг трансфери ҳақида гаплашганини айтди.

Форвард ҳозирда Ла Лига жамоасида ижарада ўйнамоқда ва у ёзда "Барса"га ўтиши мумкинлиги ҳақида миш-мишлар тарқалди.

Торреснинг сўзларига кўра, Лапорта ундан Гринвуд ҳақида сўраган, аммо у форвард яна бир мавсум ўз жамоасида қолишига умид қилмоқда.

"Атлетико"дан ҳеч ким мендан Гринвуд ҳақида сўрамаган. Мен Мигель Анхел (Хил) билан гаплашдим, лекин бошқа нарсалар ҳақида.

Шу маънода мендан футболчи ҳақида сўраган ягона одам Жоан Лапорта эди, лекин шартнома имзолаш учун аввал бор футболчиларни сотиб, балансни ушлаш керак, бу испан футболининг муаммоси", - деди Торрес.

Охирги миш-мишларга кўра, "Хетафе" "Юнайтед" билан 22 ёшли футболчининг ижара муддатини узайтириш борасида музокаралар олиб бормоқда.