Лондоннинг "Челси" клуби ёзда Германия Бундеслигасидан ҳужумчи сотиб олиши мумкин. Журналист Бен Жейкобснинг сўзларига кўра, “кўклар” “РБ Лейпциг”дан Бенжамин Шешкони фаол кузатмоқда.
20 ёшли словениялик узоқ вақтдан бери лондонликларнинг радарида эди. Бенжамин энди "кўклар"нинг ҳужумчи позицияси учун устувор мақсадларидан бири ҳисобланади. Олдинроқ форварднинг шартномасида 70 миллион евро миқдорида товон пули кўзда тутилгани хабар қилинганди.
Германия Бундеслигасининг жорий мавсумида Шешко 12 та гол урди ва 2 та голли узатмани амалга оширди.
