Ярим ҳимоячи Тони Крооснинг келажаги ноаниқлигича қолмоқда. 34 ёшли футболчининг "Реал" билан амалдаги шартномаси июнь ойи охиригача амал қилади ва немис футболчиси ҳалигача унинг меҳнат шартномасини яна бир йилга узайтириш таклифига жавоб бермади.

"Todofichajes" нашрининг Германиядаги манбаларига таяниб хабар беришича, Кроос 2024 йилги Европа чемпионатидан сўнг фаолиятини якунлаш ниятида.

Қайд этилишича, Тони Кроос "Реал"нинг спорт ривожига халақит бермоқчи эмас, шу боис у шартнома узайтирилишига шубҳа қилмоқда. Камроқ талабчан жамоалар ва лигалар билан вариантлар Тонига ёқмайди.